Author

F. N.

F. N. has 3796 articles published.

Sekuestrohen heroinë dhe municione, si u arrestuan 4 të rinjtë në Berat (Emrat)

ne kategorine Shqipëri nga

BERAT-Operacioni nga Sektori për Hetimin e Narkotikëve në Drejtorinë Vendore të Policisë Berat në bashkëpunim me Prokurorinë e Rrethit Gyqësor Berat. Operacioni me metoda speciale të hetimit pas një hetimi një mujor. Arrestohen në flagrancë 4 shtetas që shpërndanin lëndë narkotike të llojit Heroinë. Nga Specialistët e Seksionit për Hetimin e Narkotikëve në DVP.Berat, u bë arrestimi në flagrancë i shtetasve: •Argent Myftari, 31 vjeç, banues në Berat. •Françesko Mehmetaj, 19 vjeç, banues në Kuçovë, (i dënuar më parë për veprën penale Prodhim dhe shitje të lëndëve narkotike) •Alvaro Merka, 37 vjeç, banues në Kuçovë, (i dënuar më parë për veprën penale Prodhim dhe shitje të lëndëve narkotike) •Geri Molishti, 36 vjeç, banues në Berat, (i dënuar më parë për veprën penale Prodhim dhe shitje të lëndëve narkotike) Arrestimi i shtetasve të lartpërmendur u bë në kuadër të operacionit “Çelepiasi”, me metoda speciale të hetimit. Gjatë kontrollit fizik dhe në banesat shërbimet e policisë iu gjetën dhe sekuestruan në cilësinë e provës materiale: . 17 doza të dyshuara si lëndë narkotike e llojit Heroinë me peshë 3.5 gram, një dozë Cannabis Sativa, fara të dyshuara narkotike, një bimë e kultivuar narkotike. . Një armë gjahu çifte me 4 fishekë, e dyshuar si e vjedhur në datën 19.05.2018 në banesën e shtetasit J.Q. . Një shumë lekësh, tre telefona dhe dy automjete. Materialet i kaluan Prokurorisë së Rrethit Gjyqësor Berat për veprën penale, “Prodhimi dhe shitja e narkotikëve, kryer në bashkëpunim, “Kultivimi i bimëve narkotike”, “Vjedhja”, “Prodhimi dhe mbajtja pa leje e armeve të gjahut dhe armve sportive”, parashikuar nga neni 283/2 284, 134, 280 Kodit Penal

VIJON…

Jemen, të paktën 5 civilë të vrarë në sulmin e rebelëve Huthi

ne kategorine Bota nga

MARIB (AA) – Në një sulm me bombë të rebelëve Huthi në qytetin Marib në lindje të Jemenit, 5 civilë e kanë humbur jetën ndërsa 20 të tjerë janë plagosur, raporton Anadolu Agency (AA).

Sipas informacioneve të marra nga zyrtarët e qendrës policore në Marib, raketa ‘kaqusha’ e shkrepur nga militantët Huthi nga qarku Sarvah në perëndim të qytetit, në objektiv kishte një lagje e banuar me popullatë civile.

Si pasojë e sulmit 5 civilë e kanë humbur jetën ndërsa 20 të tjerë janë plagosur. Zyrtarët janë të shqetësuar se numri i viktimave dhe të plagosurve mund të rritet.

Jemeni është përfshirë nga dhuna që nga viti 2014, kur rebelët Huthi morën kontrollin mbi pjesën më të madhe të vendit, përfshirë edhe kryeqytetin Sana.

Konflikti u përshkallëzua në vitin 2015, kur Arabia Saudite dhe aleatët e saj arabë, që akuzojnë lëvizjen Huthi se janë në shërbim të Iranit, nisën një fushatë masive ajrore në Jemen që synonte të rikthente territoret e marra nga rebelët.


Dyshohet se është anëtar i ISIS, arrestohet nga policia greke shqiptari në Kakavijë (Emri)

ne kategorine Shqipëri nga


kakavije

KAKAVIJE- Policia greke ka arrestuar pasditen e djeshme në pikën kufitare të Kakavijës shqiptarin Leonardo Rustemi nga Berati.

Gazetarja Brikena Metaj duke iu referuar burimeve policore raporton për “BalkanWeb” se emri i Rustemit ishte në listën e personave të dyshuar si anëtarë të organizatës terroriste ISIS. Shqiptari u arrestua teksa po udhëtonte me autobusin e linjës Berat-Athinë dhe kishte si destinacion Pireun.

Ai kishte kaluar normalisht në doganën shqiptare, por është arrestuar në doganën greke pas verifikimeve dhe kontrollit të dokumenteve nga policia greke.

Sipas policisë greke, shqiptari kishte jetuar për disa kohë në Lindjen e Mesme dhe Turqi dhe figuronte në listën e të dyshuarve si anëtar i Shtetit Islamik.

Ai do dërgohet në gjykatën e Janinës, e cila do të vendose nëse do të gjykohet në Greqi apo do të ekstradohet për llogari të ndonjë vendi tjetër.

(BalkanWeb)

FOTO/ “Kosha ka, por qytetarët i hedhin përtokë mbeturinat”, shqetësimi i Bashkisë së Tiranës

ne kategorine Shqipëri nga

TIRANE- Pak javë më parë Liqeni Artificial i Tiranës mori çmimin “Flamuri i Bardhë” si një certifikim i pastërtisë së ujit dhe basenit të sigurt. Por që ky nivel vlerësimi të rikonfirmohet sërish në vjeshtë është e domosdoshme që jo vetëm ndërmarrjet e bashkisë të kujdesen çdo ditë për mirëmbajtjen dhe pastërtinë e tij, por më së shumti kërkohet edhe kujdesi i qytetarëve për të mbajtur pastër ambientin dhe për t’i hedhur mbeturinat në vendet e caktuara.

Siç shihet edhe nga fotot, pavarësisht punës së përditshme dhe mesazheve ndërgjegjësuese, punonjësit e APR-së vijojnë të nxjerrin çdo ditë nga liqeni masa pa fund mbeturinash urbane që qytetarë të papërgjegjshëm vijojnë t’i hedhin në ujë. E njëjta situatë vërehet çdo ditë edhe në investimet e tjera të kryera në një sërë objektesh në Parkun e Liqenit, ku qytetarët çdo mbetje të produkteve që konsumojnë e hedhin në tokë.

Një situatë kjo që tregon se të investosh për të përmirësuar infrastrukturën dhe rritur aksesin në Parkun e Madh të Liqenit është njëra gjë, ndërkohë që për mirëmbajtjen duhet puna dhe angazhimi i të gjithë aktorëve, si ndërmarrjeve bashkiake ashtu edhe i qytetarëve. “Në Parkun e Madh ka plot kosha mbeturinash. Duhet vetëm 1 përpjekje nga Ju! Të mbani mbeturinat e t’i hidhni te koshi më i afërt! Jo në tokë, jo në liqen, jo kudo në ambient! Ne pastrojmë, çdo ditë, por ky mision është i pamundur pa mirësjelljen Tuaj!”, shkruan APR ne faqen e saj ne Facebook.
liqeni3

liqeni4

thumbnail_liqeni
(BalkanWeb)

Sedat Mehmeti, nënkryetar i federatës së basketbollit të Maqedonisë

ne kategorine Sport nga

Në kuvendin e mbajtur gjatë ditës së martë në federatën e basketbollit të Maqedonisë, kryetari i klubit të basketbollit Shkupi nga Çairi, Sedat Mehmeti është emëruar nënkryetar i federatës së basketbollit të Maqedonisë, ndërkaq me të njëjtin shqiptarët do të kenë edhe nga një anëtar në të gjitha postet drejtuese të kësaj federate, njofton Medial.mk Vazhdo te lexosh

Shko ne krye